Hindi ba't nakapagtataka
Na kahit pasko'y umuulan
at kahit pebrero'y may umiiyak?

Hindi ba't nakapagtataka
Na kahit ang bundok ay nahahati
at kahit ang mga ilog ay natutuyo?

Hindi ba't nakapagtataka
Na kahit ang araw ay lumulubog
at kahit ang buwan ay nagtatago?

Hindi ba't nakapagtataka
Na kahit ang may mga mata
Ay lagi pa ring nabubulag?

Hindi ba't nakapagtataka
Na kahit na ang mayaman
Ay lagi pa ring nakukulangan ?

Hindi ba't nakapagtataka
Na kahit ang lubos na sugatan
Ay pilit pa ring nagmamahal?

Ngunit hindi ba't mas nakapagtataka
Na kahit gaano mo ako sinaktan
Ay eto pa rin ako, ikaw pa rin ang laman?