Palapit na Naman ang Pasko

May nabasa lang smwhr.

__________________

Palapit na naman ang pasko
at krismas tri, kanilang tinatayo
Kay laki at kay ganda.
Kay tangkad at kay saya.

Palapit na naman ang pasko
Oras na ng bigayan ng regalo
Na s'yang kinasisiyahan ng mga tao
Na kinagigiliwan ng mga puso.

Palapit na naman ang pasko
Nagkakabit na sila ng mga pako
Na kanilang sasabitan ng mga ilaw
Na magniningning sa panglaw

Palapit na naman ang pasko
ng mga bituin, ang alapaap ay mapupuno
Ang mga lansangan ay magliliwanag
Ang mga tao ay magsasayawan

Palapit na naman ang pasko
Dadalas ang pagisip ko sa'yo
Dahil ang mga anghel ay magkakantahan
Sa iyong angking kagandahan.

Palapit na naman ang pasko
Dadalas ang pagisip ko sa'yo
Dahil magliliwanag ang mga bituin sa langit
Na nagpapaalala sa iyong mga ngiti

Palapit na naman ang pasko
At ang mga tao'y nagawa ng pangako
gaya ng aking binitiwan sa'yo
Noong nakaraang taon

Palapit na naman ang pasko
At sumasaya na ang mga tao
Gaya nalang ng naramdaman ko
Noong nakamit ko ang iyong oo.

Palapit na naman ang pasko
Pinaganda na ang mga regalo
Gaya nalang ng tinuri nating tayo
Maingat nating binubuo

Palapit na naman ang pasko
at aking maaalala ang ating pagtatalo
Na aking sinukuan para sa'yo
Wag ka lang saakin lumayo

Palapit na naman ang pasko
At ang taon ay magbabago
Gaya nalang ng pagtingin mo
Habang ako'y nagsusumamo

Palapit na naman ang pasko
At aalis na ang taon
Gaya nalang ng iyong pagtalikod
Na ngayo'y tayo'y nagkalayo

Palapit na naman ang pasko
At ang mga ilaw ng bituin ay magningning
Na s'ya rin namang mapupundi
Gaya nalang ng tinuri kong atin

Palapit na naman ang pasko
At ang mga balot ng regalo ay pupunitin
Sabay itatapon
Gaya nalang ng tinuri kong tayo

Palapit na naman ang pasko
Magbabasagan na ng alkansya
Gaya nalang ng ating pagsasama
Watak watak at di na maibabalik pa.

Palapit na naman ang pasko
Ang ang hanging amihan ay magpapaulan
gaya nalang ng mga luha
Na tumutulo sa aking mukha

Palapit na naman ang pasko
At kakain sila ng hamonado
Ngunit ako'y wala nang makuha
Dahil ibinigay ko na lahat sa'yo

Palapit na naman ang pasko
at ang gabi ay mas dadalas pa
Gaya nalang nitong kalungkutan
Na saakin ay iyong ipinako

Palapit na naman ang pasko
At ang mga pamilya ay magsasama-sama
Hindi gaya natin
Na nagkalimutan na.

Palapit na naman ang pasko
Kasama ng ating nasirang pangako
Kasabay ng gumuho nating pangarap
Na binuo nating magkasama.

Palapit na naman ang pasko
Palapit na naman....
--
Tama na. Ayoko na.
Tapusin na natin 'to.

    - anonymous