Practice lang

Ehehehe warning: medyo kadiri s'ya.

Hey. If you read this screenplay, mejo wala kang magegets kung anong purpose. I tried to not say it directly in your faces. Kayo na lang humusga.



Silid Dasalan

Binanlian ng mga liwanag ng araw ang isang kwarto na barong baro. Katamtaman lang ang kalawakan nito. Walang gaanong kagamitan sa loob ng kwarto, tanging kahoy lang na inaanay na sa luma. Sa bawat kanto ay makikita ang mga agiw. Pinepeste ang ito ng ipis, butiki, at mga insektong hindi makilala.

Bigla-biglang may matandang lalaking namamayat at dugyot na dugyot na gumawa ng ingay sa loob ng kwarto.

Lalaki (Nerbyos na Nerbyos)

Panginoon lubos akong nagpapasalamat sa araw na iyong binigay saakin. Sya nawa na mapagsilbihan ko pa kayo. 

Humalik ang matandang lalaki sa isang alikabuking imahe ng buddha. Gawa ang buddha sa kahoy na masusing inukit upang mapakita ang mga detalye. Ang buddha ay nakangiti at gaya ng ibang buddha, ito'y mataba at sagana sa mga kayamanan. Nabudburan din ito ng alikabok na dulot na rin ng madungis na kwarto.  

Tumayo ang lalaki at naginat. Marumihin ang damit nya. Butas butas at tila hindi nalabahan ng isang linggo. Dali-dali syang lumapit sa buddha. Kinuha nya ang kaniyang damit at kinuskos sa buddha. Napakaalikabok ng buddha na nangitim ang damit na kanyang pinangpunas. Nilawayan ng matanda ang kanyang palad upang pakintabin ang malaking tiyan at ang makinis na ulo nito. Kuminis ang buddha ngunit nanglumahid sa dumi ang matanda.    

Lalaki

Para po sainyo. Nawa'y patuloy pa ang grasya sa pagdating. 

  Makikita na nagiisa lang ang lalaki sa kwarto. Tila ba'y wala syang pakialam sa kung anong nangyayari sa labas. Maya-maya, pagkatapos nyang lawayan at linisin ang buddha, nagpagala-gala ito sa apat na sulok ng kwarto. Naupo, gumulong, tumalon talon, habang bumubulong sa sarili nya. 

Lalaki

Panginoon ako po'y nagugutom na. (Kinakausap niya ang imahe ng buddha ngunit hindi ito gumagalaw at tila nanonood lang sa kaniya.) Ako po'y pagbigyan na kayo'y magpaulan ng grasya sa loob ng kwarto na ito. 

 Tumingala ang matanda ngunit walang nangyayari. Nakahawak sya sa tyan at parang namamatay na sa gutom. Maririnig ang mahihinang ungol nya sa tuwing susubukan nyang magsasalita. 

Lalaki
Panginoon! Ako'y patawarin sa aking pagsasala. Ako'y wag hayaang magdusa. Panginoon maghatid ka ng iyong grasya. 

Desperado ang mukha ng lalaki. Nakatingala siya habang sinasabi ang kanyang mga dasalin.

Lalaki

Panginoon!

Ngunit walang nangyari. Humiga ang lalaki at nagpagulong gulong sa sakit ng tyan. Gutom na gutom na ito.

Natahimik ang lalaki sa isang sulok at tila natutulog na. Ngunit bigla itong lumapit sa Buddha habang nagbubulong ng mga dasalin. Desperado pa rin ang mukha nya. Hinawakhawakan, pinakintab, at hinalikan nito ang Budda. Inalayan ng kung ano-ano. Sinayawan habang halos matumbatumba na sa gutom. Natumba ang matandang lalaki.

Lalaki

Panginoon. Ako'y hatiran ng grasya! (nakatingala)

At may pumatak na ipot ng butiki sa mukha n'ya. 

Lalaki

Sa-salamat po mahabaging panginoon!

At tinignan ng mga gutom na mata  ng matanda ang ipot ng butiki sa kaniyang mukha. Dinukot niya ito at tinignan pa ng mas matagal. Kapirangot ito at malagkit. Mas okey na ito kaysa sa wala. Sinubo ng matanda ang ipot ng butiki. Sinipsip-sipsip ang marungis na daliri para maubos lahat ito. 

Kumalam ulit ang tiyan ng matanda. 

Lalaki

Panginoon. Ako po'y humihingi ulit ng grasya ninyo! 

At inulit uli ng matanda ang kanyang mga orasyon at pagsasayaw. Nagpagulong gulong sa sakit ng tiyan, nagpakabaliw. 

May narinig ang lalaki na kaluskos. Napahinto ito. Mapungay ang mga mata nito sa pagpilit na pagrinig sa tunog. Nahalata niya na ito'y isang daga kaya dahan-dahan niya itong hinanap. 

Hinanap ng matanda ang daga sa likod ng mesa ng buddha. Dahan-dahan ito para di magulat ang daga. Gutom na gutom na. At nung nakita nya ito'y agad niya tong dinakma. Nangaway ang daga at umiyak ng malakas. Diniinan pa lalo ng matanda ang kapit sa daga. Pinagsisipa, at pinagbabalibag ito sa sahig hanggang sa malamog na ang laman loob nito. At nang mapansin niyang hindi na gumagalaw ang daga, kinuha nya ito at lumuhod sa harap ng buddha. 

Lalaki

Maraming salamat po. 

 Kinain ng matanda ang daga gamit ang dalawa niyang kamay. Sirit ang dugo at ang berdeng asido nito. Dahan dahan niyang nginuya ang daga sa bibig dahil sa katigasan nito. Rinig na rinig ang pagtunog ng mga buto nito at ang paggalaw ng mga laman sa bibig niya. Natapos kumain ang lalaki. 

Umaga na. Nagutom ulit ang matanda. Gaya ng dati, ginawa niya ang kaniyang mga orasyon. Sumasayaw s'ya. Tumatawa. Humihiyaw ng malakas. Nagpapatalun-talon. Napatigil siya ng may marinig na kabog mula sa labas ng kwarto. Nanigas ang mga katawan niya. Nagpagalaw galaw ang mga mata n'ya. Kabog.Napansin n'ya na galing ito sa labas ng pinto niya. Kabog ulit. Nagulat ang matanda. Mas malakas at malapit ang kabog. Mas natakot ang matanda. 

Alam ng matanda na nasa harap na ito ng pinto. Kitang kita ang mga anino ng mga paa nito sa liwanag na nanggagaling sa labas ng pinto. Dahan-dahan bumukas ang pinto. Unti-unti pumasok ang liwanag sa silid. Unti-unti nasinagan ng liwanag ang mga mukha ng matanda habang ito'y tulala. Mayamaya't may isang hugis ng tao ang makikita. 

Tao

Hoy! Kanina pa kita tinatawag ah. May lakad pa tayo. 

Siya pala ay isang matandang babae na nasa edad 40-50.

Ale

Hala sya't maligo ka na. Ilang araw ka nang nagkukulong dito sa kwarto. 

At nakatitig pa rin ang lalaki sa babae. Tumayo ito at lumapit sa kanya ng hindi man lang kumukurap ang mga mata. Naglakad palayo sa buddha ang lalaki. Lumapit siya sa babae na siya namang lumakad palabas. Lumabas na rin ang matanda at isinara ang pinto. Tanging ang blankong kwarto at ang buddha lang ang makikita.

   

Annnnd yun po 'yon. ;)